“Skënderbeu” vdiq me Kanunin mbi komodinë

Akaki Khorava, aktori që interpretoi Skënderbeun në filmin me të njëjtin emër, u nda nga jeta më 23 qershor të vitit 1972. Në komodinën pranë krevatit të tij, mbante librin “Kanuni i Lekë Dukagjinit”. 

Kjo ndodhi në Tbilisi të Gjeorgjisë, ku aktori kaloi vitet e fundit të jetës. Atij i pëlqente shumë ky libër dhe kur ishte në Shqipëri, kishte arritur ta përkthente nga origjinali i gjuhës shqipe, në rusisht, nëpërmjet miqve të tij shqiptarë. 

Kjo ndodhi gjatë xhirimeve të këtij filmi. Dhe kur iku Akaki Khorava mori me vete një kopje të Kanunit. Atij i pëlqenin shumë ligjet shqiptare të asaj kohe, pra të kohës së Skënderbeut dhe përpiqej të hynte në brendësinë e psikologjisë së shqiptarëve.

Read more ...

Peru, zbulohet një varr i lashtë i mbushur me thesare

Në Peru arkeologët zbuluan një varr të mbushur me thesare dhe mumiet e grave të kohërave të Perandorisë indiane Huari. Varri mendohet të jetë ndërtuar rreth 1.200 vjet më parë.
Gërmimet, në sajë të të cilave u realizua zbulimi i jashtëzakonshëm, zgjatën për shumë muaj. Sipas mendimit të shkencëtarëve, zbulimi i çmuar do të mundësojë të hidhet më shumë dritë mbi qytetërimin misterioz Huari që sundoi në Ande para periudhës së Incas-ve.

Read more ...

Pushimet, libri një mik i mirë që të shoqëron

Në stinën e pushimeve, libri gjithmonë është një mik i mirë që të shoqëron dhe që nuk duhet të mungojë në bagazhet tuaja. Ka shumë nga ata që mendojnë se një udhëtim është gjithmonë më i mirë nëse në valixhe ka diçka për të lexuar.
Në një kohë kur nuk janë të paktë ata që heqin dorë edhe nga pushimet, për shkak të mundësisë financiare, shumë të tjerë, mendojnë se çfarë të zgjedhin, libra të rinj që ngjallin kërshëri, apo klasikët e vjetër për nostalgji.
Në një intervistë pronarja e një prej librarive në qytetin e Korçës, Donika Gjolli, tregon per ATSH-ne se si është përqendruar vëmendja e lexuesit në tregun e librit gjatë këtij sezoni veror, dhe cilët janë titujt dhe autorët më të kërkuar.
Dy janë librat që i janë shtuar stendës së kësaj librarie gjatë kësaj jave. “Alef” i Paulo Coelho, i një prej autorëve më të rëndësishëm të letërsisë botërore. Alef, vepra e Coelho-s, na fton të hidhemi në veprim. Sepse vjen një çast kur ndiejmë nevojën për të pyetur veten si e jetojmë jetën, a jemi atje ku duam të jemi dhe a bëjmë atë që duam të bëjmë.
Një tjetër libër i shtuar gjatë kësaj jave është edhe “E lidhura ngushtë me ty” i Sylvia Day, roman i serisë “Crossfire”. Sylvia Day është shkrimtarja nr.1 më e shitur në listën e “New York Times-it”, si edhe në mbarë botën. Libri vlerësohet si një romancë erotike që nuk duhet humbur, si një histori me ngarkesë të madhe emocionale dhe një rrëfim që të bën t’i shfletosh faqet me rrëmbim, e të kërkosh që kjo seri të mos mbarojë.
Përsa i përket librave më të shitur të kësaj periudhe, znj. Gjolli shprehet se si më të preferuar ngelen romanet, gjithashtu edhe enciklopeditë. Një numër të madh shitjesh, në këtë sezon, kanë edhe librat për fëmijë, të bëra enkas për stinën e verës.
Si romanet më të shitura mund të veçojmë Triologjinë “Pesëdhjetë Hijet” e E L James: “Pesëdhjetë Hijet e Greit”, “Pesëdhjetë Hije më të errëta”, “Pesëdhjetë Hije të çliruara”. Librat janë romantikë, çlirues dhe kryekëput përthithës, këto janë romane që ju pushtojnë dhe do të mbeten gjithmonë me ju. Kur Ana Stilli takoi për herë të parë sipërmarrësin e ri të talentuar, të shkatërruar, Kristian Grei, kjo ndezi shkëndijën e një lidhjeje sensuale që ndryshoi në mënyrë të pakthyeshme jetët e të dyve. Ana e kishte ditur gjihmonë që dashuria për Pesëdhjetë Hijet e saj nuk do të ishte e lehtë dhe jeta e përbashkët i vë përpara sfidash që asnjëri prej tyre nuk i kishte parashikuar. Librat janë botuar nga “Dritan Tirana” dhe kushtojnë nga 1500 lekë.
Një tjetër roman i parapëlqyer nga lexuesit korçarë gjatë kësaj vere është edhe “Princesha” një roman tronditës nga Jean Sasson, historia e vërtetë e një jete fshehur pas perçes, Brenda Familjes Mbretërore të Arabisë Saudite. Ky roman është botuar nga “Ombra GVG” dhe kushton 1000 lekë.
“Delikatesa” i David Foenkinos, shqipëruar nga Edmond Tupja, fitues i 10 çmimeve letrare, përkthyer në 30 gjuhë të botës, është një tjetër libër i kërkuar për këtë sezon. Natalia dhe Fransuai janë çifti i përkryer dhe janë përsosmërisht të lumtur. Por kur Fransuai vdes papritur, pas shtatë vjetësh martese të bekuar, vejusha Natali ngre një kala rreth emocioneve të saj, ku askush nuk mund të hyjë më. Derisa kandidati më i paimagjinueshëm shfaqet…
“Zgjedhja e librave varet edhe nga shijet e secilit, por librat e thjeshtë për t’u kuptuar dhe jo libra që kërkojnë përqëndrim, janë sugjerimi më i mirë në stinën e nxehtë të verës” thotë Gjolli.
Për shumë njerëz vera konsiderohet si periudha më e mirë për të lexuar. Të çliruar nga ngarkesat e ditëve në punë, leximi i një libri gjatë pushimeve në plazh është një zgjedhje e mirë që shumë vetë e preferojnë. Kjo është edhe një nga arsyet se përse shumica preferojnë libra rozë, apo të lehtë për t’u lexuar gjatë pushimeve.

Read more ...

‘Tirana Jazz and World Music Festival”, rikthehet në edicionin e dytë

“Tirana Jazz and World Music Festival” rikthehet në edicionin e tij të dytë, duke plotësuar kështu boshllëkun e aktiviteteve gjatë stinës së verës.
Në një kohë kur aktivitetet artistike janë të pakta, ky eveniment ndërkombëtar do të bashkojë në Tiranë, artistë nga SHBA, Izraeli, Gjermania, Italia, etj. Këtë vit, festivali do të organizohet në një ambient të hapur, pas Pallatit të Kulturës, me shpresën që ai të ndiqet nga sa më shumë njerëz.
Festivali do të zhvillohet në datat 16, 17, 18 korrik, për t’u zhvendosur më tej në Parkun e Apolonisë, ku hyrja për spektatorët do të jetë e lirë. Disa nga artistët që do performojnë këtë vit në festivalin e xhazit, janë Gjon Guralumi, Ervin Dhimo, Cazova Duo, Enzo Rocco e Carlo Actis Dato, Amir Gëirtzman, Shawn and the Wolf, që vijnë të shoqëruar me bandat e tyre muzikore.
“Keli band” është grupi që do të përfaqësojë Shqipërinë. Formuar rreth viteve 2002, në përbërjen e këtij grupi performojnë muzikantë profesionistë, të angazhuar në jetën kulturore shqiptare. “Keli band” ka realizuar edhe dy albume.
“Tirana Jazz & World Music Festival” është ideuar nga Besim Petrela si një përqasje e re për publikun artdashës.

Read more ...

Teatri antik i Adrianopolit nga më të kërkuarit në luginën e Drinosit

Dy monumente të rëndësishme të luginës së Drinosit, siç është teatri antik i Adrianopolit dhe Teqeja e Melanit, kanë kaluar nën administrimin e zyrës së Parkut Arkeologjik të Antigonesë.
Sipas drejtorit të Parkut të Antigonesë, Ëngjëllush Serjani, ndërhyrja e parë është bërë për të eliminuar vegjetacionin në teatrin e Adrianopolit, i cili ndodhet vetëm 14 km në jug të Gjirokastrës.
Teatri i iAdrinopolit është ndërtuar nga perandori Adrian dhe është një monument ku për 6 vjet rresht kryhen gërmime arkeologjike nga një grup arkeologësh italo – shqiptarë. Falë këtyre gërmimeve është rritur ndjeshëm edhe sipërfaqja e vizitueshme e këtij teatri që deri tani ka qënë një monument prej të cilit nuk merreshin të ardhura nga vizitorët ndërkohë që pas vendosjes nën administrim nga zyra e parkut të Antigonesë ai do të vendoset në efiçencë financiare pasi është një nga monumentet e trashëgimisë nga më të kërkuarit në luginën e Drinosit.
Teatri është ndërtuar në shekullin e dytë pas Krishtit dhe ka një kapacitet prej 4 000 vendesh.

Read more ...

Kultura shqiptare prezantohet suksesshëm në Lituani

Me rastin e organizimit të Festivalit të 17 Ndërkombetar të Teatrove në Skenën e Hapur, në Klaipeda të Lituanisë “Sermuksnis”, u prezantuan me sukses të jashtëzakonshëm dy shfaqjet nga Kosova, Monodrama “Mos me pengo…!” në tekst, interpretim dhe regji të Mentor Zymberaj e në realizim të Shtëpisë Teatrore Filmike AKT si dhe komedia “Ku…Çka?!” me regji të Elmaze Nurës, në interpretim te Mentor Zymberaj, Florentina Ademi, Albulena Kryeziu dhe Aurita Agushi e ne realizim te Teatrit Dodona.
Ky festival ndërkombëtar u mbajt nga data 5 deri me 7 korrik në Lituani, ku morën pjesë një sërë shtetesh si Finlanda, Lituania, Bjellorusia, Ukraina, Latvia ndërkaq, për herë të parë, dy shfaqje teatrore nga Kosova arritën që t’a prezantojnë kulturën dhe artin skenik shqiptar.
Këto dy shfaqje arritën që të ngjallin interesimin e audiencës dhe artdashësve. Vlerësimi po ashtu nga komuniteti artistik ndërkombëtar dhe i Festivalit të Klaipedase ishte i niveleve më të larta.
Të dyja shfaqjet, ‘Mos më pengo’ dhe ‘Ku…Çka?!’ kishin bërë përgatitjet paraprake që të prezantohen në Skenën e Hapur, ndërkaq këtë sezon të dyja shfaqjet e nisën vrullshëm me sukseset në prezantimet e tyre.
Në mars të këtij viti, shfaqja “Mos me pengo!” u dha premierë në Festivalin Ndërkombëtar të Teatrove “Most” në Hanover të Gjermanisë dhe u kthye me çmim ndërkombëtar, për mjeshtrin e aktrimit për aktorin Mentor Zymberaj.
Kjo shfaqje, në përmbajtjen e saj trajton luftën e pa kompromis te një gjeniu “shpirtëror” i cili me çdo kusht dëshiron të shpëtoi botën nga frika dhe tmerri që është prognozu nga shumë parashikues se fundi i botës është i afërt, dhe se çdo gjë do të shuhet dhe errësira do t’a sundoje boten. Në momentin kur ai bënë përgatitjet e ritualit të posaçëm pa të cilin nuk mund te vij deri te enigma jetësore, pengohet nga një mize e cila nuk e lejon kurrsesi ta beje ritualin e nevojshëm për te zgjedhur këtë enigme te rëndësishme për njerëzimin. Epilogu s’është tjetër veçse në debakël për “shpëtimtarin e botës”. E gjithë loja e aktorit është me pak tekst, gjë qe mundëson një komunikim me te gjitha kulturat dhe gjuhet e botes, pasi qe gjuha e vetme është Gjuha Skenike.

Komedia “Ku …Çka?!” po ashtu pati premierën e saj shumë të suksesshme në muajin qershor në teatrin Dodona.
Një postier i cili ëndërron të bëhet aktor dhe tri aktore te cilat mendojnë se nuk trajtohen ashtu siç është dashur te trajton. Një kurorë me mbishkrim “Me madhështores” e qe është për dikë tjetër behet molle sherri e kolegeve aktore te cilat jetojnë ne në apartman se kujt vërtet i takon kurora. Nuk hezitojnë të bëhen edhe kundërshtare te denja, ne një betejë te pakompromisë ne mes tyre. Nuk mbetet pa u kyçur as postieri i cili ka pas dëshirë qe një dite te behet aktor, por që nuk është pranuar dhjete vite me radhë ne asnjë audicion. Mllefi i tij është edhe më i madh se i aktoreve, e qe ky i çmon shumë, pasi qe është nënçmuar “talenti” i tij dhe i është shuar ëndrra e jetës, qe një dite te behet artist i madhe. Kjo shfaq është një pasqyrim i gjendjes së aktorëve por jo vetëm. Ajo prek edhe sfera dhe problem tjera që e preokupojnë shoqërinë tonë duke hedhur dritë mbi shumë padrejtësi me të cilat përballemi.
Pjesëmarrja e këtyre dy shfaqjeve në festivalin “Sermuksnis” ishte edhe njëherë sukses i madh i artistëve kosovar dhe artit skenik kosovar dhe atij mbarëshqiptar në arenën ndërkombëtare.

Read more ...

8 vjet në UNESCO, Gjirokastra rrezikon të humbë statusin

Një sërë aktivitetesh janë programuar ditën e sotme që shënon përfshirjen e qytetit të gurtë të Gjirokastrës në listën e Trashëgimisë Botërore, pikërisht në vitin 2005.
Gjirokastra është shpallur pjesë e Trashëgimisë Botërore sipas kriterit që përbën një dëshmi unike të një tradite kulturore të jetës, në shek 14-19.
Aktivitetet do të nisin me panairin e artizaneve, përurimin e trotuareve në zonën muzeale, ekspozita fotografike, ndërsa në mbrëmje gjithcka do të finalizohet me një koncert festiv. Por , 8 vjet nga përfshirja nën mbrojtjen e UNESCO-s, Gjirokastra rrezikon ta humbe këtë status.
Raportet e fundit të komisionit të Venecias pranë UNESCO-s theksojnë se shumë monumente të kulturës po humbasin pamjen e tyre si shkak i restaurimeve jo në bazë të standardeve. Aktualisht ne qytetin e gurte 57 godina karakteristike kane nevoje për ndërhyrje urgjente, ndërsa një tjetër problem sipas specialisteve mbeten 160 ndërtime pa leje qe kane rrethuar monumentet e kulturës.

Read more ...

“Teto Ollga”, rikthehet përgjithmonë në Tushemisht

                                                                      Në nderim të figurës së aktores së njohur korçare, Violeta Manushi, në qendër të fshatit Tushemisht është ngritur edhe shtatorja me portretin e saj ose e njohur ndryshe nga çdo brez si “Teto Ollga”.
Shtatorja u punua nga skulptorët Vasillaq Kolevica dhe Sadik Spahia, të cilët kanë përshëndetur idenë e kreut të kësaj komune, Roshi Tollozhina për ndërtimin e kësaj vepre arti që përcjellë portretin e një artisteje të talenuar dhe të dashur për publikun shqiptar. Shtatorja në nder të aktores së njohur e cila nuk jeton më, u vendos pikërisht në qendër të këtij fshati ku edhe jane xhiruar fimat aq të famshëm “Zonja nga qyteti” dhe “Një shoqe nga fshati”.
Në këtë inagurim që morri përmasa madhështore, kanë marrë pjesë shume figura te artit dhe kinomatografisë shqiptare të cilët kanë patur fatin të punojnë përkrah Violetës. Mes aktorëve si Edi luarasi, Yllka Mujo, Rajmonda Bulku, Dhimitër Orgocka, i pranishëm ka qënë edhe kryetari i Lëvizjes Socialiste për Integrim, Ilir Meta. Violeta përveçse një aktore dhe një kolege, për ne ka qënë edhe një nënë, shprehen dy nga protagonistet që kanë qënë pjesë e xhirimeve të filmave pranë saj.
Shtatorja kushtuar aktores,Violeta Manushi, u vendos tek burimi i famshëm në Tushemisht, aty ku dhe spikati më së shumti personazhi i saj, “Teto Ollga”.
Violeta Manushi lindi në 6 Mars të vitit 1926, në Voskopojë të Korçës dhe ndërroi jetë në 7 korrik të vitit 2007. Ajo ishte një nga ikonat e Teatrit Popullor, ndër të parat aktore, që ka shkëlqyer njësoj si në komedi, ashtu edhe në dramë, si në skenë ashtu edhe në kinematografi. Gjatë karrierës së saj realizoi 100 role në teatër dhe 16 role në kinematografi. Interpretimi i fundit i aktores së madhe ka qënë tek tragji-komedia, “Streha e të harruarve”, shkruar nga Ruzhdi Pulaha.

Read more ...

Kërkimet për Mona Lisa-n

Shkencëtarët italianë në Fierence kanë hapur një varr për të marrë nga skeleti një kampion ADN-je që ata shpresojnë se do të identifikojë modelen e Mona Lisa-s së Leonardo da Vinci-t.
Varri përmban mbetjet trupore të familjes së Lisa Gherardini, bashkëshortja e një tregtari mëndafshi që mendohet të ketë pozuar për artistin.
Shkencëtarët shpresojnë se ADN-ja do t’i ndihmojë ata në identifikimin e saj nga tre skeletet e gjetura vitin e kaluar në një manastir.
Ekspertët për shekuj me radhë kanë hamendësuar tiparet e gruas që pasqyrohen tek Mona Lisa dhe motivet e buzëqeshjes misterioze të saj.
Për të gjetur ADN-në që iu duhet, shkencëtarët hapën një vrimë në dyshemenë prej guri të kishës mbi dhomën e nëndheshme të tregtarit fiorentin të mëndafshit, Francesco Giocondo.
Varri ndodhet prapa altarit të Santissima Annunziata Basilica. Shkrimtari dhe studiuesi Silvano Vinceti planifikon të krahasojë ADN-së e marrë nga kockat me atë të tre grave të varrosura në manastirin e afërt të Shën Ursulës.
Lisa Gherardini vdiq atje si murgeshë në vitin 1542. Shpresohet që disa nga kockat e gjetura t’i përkasin të paktën njërit prej personave me të cilët ajo kishte lidhje gjaku, sipas të gjitha gjasave me atë të të birit Pietro.
Nëse ADN-ja përputhet, atëherë imazhi i Gherardini mund të gjenerohet përmes kafkës dhe të krahasohet me pikturën.

Read more ...