Burime zyrtare nga policia e Fierit bëjnë me dije se 23-vjeçari Troka kishte disa ditë që ngacmonte 26-vjeçaren A.L. (bashkëshorten e Marjus Lilës) nëpërmjet telefonit të saj celular. Ai i dërgonte gruas së bashkëfshatarit të tij SMS dhe e merrte në telefon. E ndodhur para një fakti të tillë, 26- vjeçarja i ka treguar të shoqit. Ky i fundit së bashku me vëllain e tij kanë vendosur që t’i japin një “mësim” 23-vjeçarit.
Rreth orës 18:00 të së hënës, S.Troka ishte duke ecur në rrugën e fshatit dhe po kthehej në banesën e tij, kur është përballur me dy vëllezërit Lilo. Sipas hetuesve të çështjes, dy vëllezërit e kanë hipur bashkëfshatarin me forcë në automjetin me të cilin po udhëtonin dhe më pas e kanë dërguar në banesën e tyre.
Për rreth katër orë, pengu është dhunuar psikologjikisht dhe fizikisht, dhe më pas është lënë i lirë. Pas denoncimit të viktimës, policia ka arrestuar dy vëllezërit. Ndërkohë, është vënë nën hetim dhe Troka, pasi akuzohet për “Keqpërdorim të thirrjeve telefonike”.